ఎక్కడుంది సమానత్వం

గోగులపాటి  కృష్ణమోహన్
సూరారం కాలని, హైదరాబాద్.


శీర్షిక : ఎక్కడుంది సమానత్వం?

ఎక్కడుంది సమానత్వం?

స్వాతంత్ర్యం వచ్చి డెబ్బై సంవత్సరాలు కావస్తున్నా....

గణతంత్రమొచ్చి అరువైయేడేళ్ళు దాటినా....
చట్టాలు... న్యాయాలు ఎన్నున్నా...

రాజ్యాంగాలలో ఎన్ని సవరణలు జరుగుతున్నా ...
ఎక్కడుంది సమానత్వం?

ఒకపక్క .....
లక్షాధికారి కోటీశ్వరులవుతుంటే

మరోపక్క....
మధ్యతరగతి వాడు కడు బీదవాడుగా మారుతుంన్నాడు....

ఎక్కడుంది సమానత్వం?

కాంట్రాక్టర్లు కోట్లు కుమ్మగొడుతుంటే....
కార్మికుడు కర్షకుడు కూడు దొరక్క చస్తున్నాడు...

కోటీశ్వర్లు కార్లలో తరుగుతుంటే....
సామాన్యుడు కాళ్ళరిగేలాగా తిరుగుతున్నాడు...

ఎక్కడుంది సమానత్వం?

ఉన్నోడు తరతరాలకోసం తరగనంత ఆస్తి సంపాదిస్తుంటే...

లేనోడు తలతాకట్టు పెట్టి బతుకీడుస్తున్నాడు.....

డబ్బున్నవాడికి ఒకన్యాయం....
లేనోడికి మరో న్యాయం....

డబ్బున్నోడికి ఒక వైద్యం...
లేనోడికి మరో వైద్యం...

ఎక్కడుంది సమానత్వం?

చనిపోయాక పూడ్చిపెట్టే బొందలో తప్ప ...
చనిపోయాక కాల్చివేసిన బూడిదలో తప్ప....

ఎక్కడుంది సమానత్వం?

మీ
సహస్రకవిమిత్ర, ,
సహస్రకవిరత్న,
శతపద్యకంఠీరవ,
బతుకమ్మ జాతీయ పురస్కార గ్రహీత
గోగులపాటి  కృష్ణమోహన్
9700007653