మిడిల్ క్లాసు బతుకు

గోగులపాటి కృష్ణమోహన్
మిడిల్ క్లాస్ బతుకులు

మిడిల్ క్లాసు బతుకొద్దుర మామా
మనకు మిడిల్ క్లాసు బతుకొద్దుర మామా
ఉన్నోనితొ ఉరకలేము
లేనోనిగ బతకలేము.. ||మిడిల్||

కార్పోరేట్ బడులకు
కాసులను పెట్టలేము
ప్రభుత్వ బడులకు
పిల్లలను పంపలేము
చాలీచాలని చదువులు
మాబతుకుకు భాగ్యమాయె ||మిడిల్||

పెద్ద దవాఖానాలకు
పోలేనీ బతుకుమాది
ప్రభుత్వ దవాఖానాలకు
పోదామంటే భయము
రోగమునొప్పొచ్చినపుడు
ఆరెంపిలె గతిమాకు || మిడిల్||

పట్టుచీర కొనలేము
ఉట్టిచీర కట్టలేము
అద్దాలషోరూములు
అవతలినుండే జూస్తూ
క్లాసుగా ఉన్న చీర
మామూలు ధరలకడిగే ||మిడిల్||

డూప్లెక్సు ఆశాయె
పెద్ద కొంప లేదాయె
అపార్ట్మెంట్ వద్దాయె
అద్దె కొంప కరువాయె
స్వంత కొంప కలకోసం
అప్పులపాలవ్వాలె ||మిడిల్||

పెళ్ళీ పేరంటాలకు
ఇరుగుపొరుగు దావతులకు
బంగారునగలు కొనలేము
వెండినగలు పెట్టలేము
పెళ్ళిపేరంటాలకు
నగిషీ నగలే ముద్దు ||మిడిల్||

ఎరోప్లేను ఎక్కలేము
ఏసీలో పోలేము
ప్రైవేటు బస్సుల్లో
ప్రయాణం చేయలేము
ఎర్రవస్సు, కర్రె రైలు
టూవీలరె మాకు దిక్కు ||మిడుల్||

మిడిల్ క్లాసు బతుకొద్దుర మామా
మనకు మిడిల్ క్లాసు బతుకొద్దుర మామా
ఉన్నోనితొ ఉరకలేము
లేనోనిగ బతకలేము.. ||మిడిల్||

మీ
గోగులపాటి కృష్ణమోహన్
సూరారంకాలని, హైదరాబాదు.
9700007653

యాది మరవకు బిడ్డ..

రచన :
సహస్రకవిమిత్ర, కవిరత్న, కవిప్రవీణ.
గోగులపాటి కృష్ణమోహన్
కవి, సీనియర్ జర్నలిస్టుు

శీర్షిక: యాదిమరవకు బిడ్డా

యాది మరవకు బిడ్డ.. యాది మరవకు మమ్ము
ఏదేదొ జేసుకొని ..ఏడిపించకు మమ్ను..

పుట్టలకు మొక్కాము.. గుట్టలను ఎక్కాము
నువ్వుపుట్టాలని .. గుడులెన్నొ దిరిగాము..
ఏ పుణ్య ఫలమో....ఏదైవ బలమో..
మాకడుపులో నువ్వు ... పుట్టావు బిడ్డా...
||యాది మరవకు బిడ్డ||

కాయ కష్టము చేసి... కాని కొలువులు జేసి
కంటికి రెప్పలా .. కాపాడుకున్నాము
అప్పుసప్పులు చేసి. .ఆస్తులమ్నుకోని
ఆడిగినదె తడువుగా..... అన్నియిప్పించాము
||యాది మరవకు బిడ్డ||

పడిగాపులూ పడుతు.. పస్తులే ఉన్నాము
ఏ లోటురాకుండా.. పెంచుకున్నము కొడక
పై సదువులు సదవ.. పట్నమే పంపాము
పెద్దకొలువులతోటి.. పైకి రావాలని
||యాది మరవకు బిడ్డ||

మందులని చిందులని... పబ్బులకు వెళ్ళకు
పేకాట ఆడుటకు.. క్లబ్బులకు వెళ్ళకు
సిగరెట్లు సినిమాలు.. మత్తుపానీయాలు
ఆడపిళ్ళల జోలి.. అస్సలే వెళ్ళకు
||యాది మరవకు బిడ్డ||

రేసు బండ్లు వద్దు.. ర్యాసు డ్రైవింగొద్దు
ఫుట్టుబోర్డు వద్దు.. సీటులోనే ముద్దు
ఇరుగు పొరుగు తోటి... పోట్లాటలే వద్దు
సంఘాల స్ట్రైకుల... జోలికే పోవద్దు
||యాది మరవకు బిడ్డ||

రాజకీయాలొద్దు.. రౌడివేశాలొద్దు
రంకులాడిలతోటి.. రాసుకుతిరుగొద్దు
మాయ మాటల తోటి.. మోసాలు జేసేటి
మాయజాలము లోన.. నీవసలె పడవద్దు
||యాది మరవకు బిడ్డ||

వాట్సప్పు ఫేస్బుక్కు.. ట్విట్టరు, హైకంటు
అంతర్జాలంలో... ఆగమయ్యిపోకు
అండ్రాయిడైఫోన్.. ట్యాబ్ ల్యాప్ టాపంటు
భారి షోకులకెళ్ళి.. భాద్యతలు మరిచేవు
||యాది మరవకు బిడ్డ||

ఎంత చదివిన గాని.. ఏది నేర్చిన గాని
ఇంకిత జ్ఙానము .. కొంతైన నేర్వరా
పెద్దలను గౌరించు.. పిన్నలను ప్రేమించె
మర్యాద మన్ననలు.. నేర్చుకోవాలని
||యాది మరవకు బిడ్డ||

అడ్డంగ తిరగకు... అప్పులే జేయకు
ఆలినీ, తాళినీ... తాకట్టు పెట్టకు
గుర్రపుస్వారీ లు... క్రికెటుబెట్టింగులని
అప్పులా పాలయ్యి ఆగమవ్వకు నువ్వు
||యాది మరవకు బిడ్డ||

చదువుకోలేదని... ర్యాంకురాలేదని
ఇరుగు పొరుగు ముందు.‌ చులకనౌతావని
కన్నోల కలలను... కాలితో తొక్కేసి
కాటికెళ్ళె పనులు... జేయమాకుబిడ్డ
||యాది మరవకు బిడ్డ||

ఉంటేనె తిందాము... లేదంటె పందాము
బతికున్నన్నాళ్ళు... కలిసిమెలిసుందాము
బాగుపడకున్ననూ.. బాధలేదూ బిడ్డ
దైర్యంగ మన బతుకు.. బతుకుదాము బిడ్డ
||యాది మరవకు బిడ్డ||

మీ
గోగులపాటి కృష్ణమోహన్
సూరారంకాలని, హైదరాబాదు
9700007653

అమ్మలార.. అయ్యలార .. ఆలోచించండి జర

అమ్మలార అయ్యలార
ఆలోచించండి.. జర

రచన : గోగులపాటి కృష్ణమోహన్
సూరారంకాలని, హైదరాబాదు.

అమ్మలార... అయ్యలార
ఆలోచించండి జర

మీ బిడ్డల భవిష్యత్తు
మీ చేతుల్లోనే ఉంది.

అనవసరపు ఆశలతో
ఆసక్తులు లేపకండి..

ఇరుగు పొరుగు పిల్లలతో
పోటీలు పెట్టకండి

ఇంజనీర్లు డాక్టర్లే
అవ్వాలని అనకండి

ర్యాంకులు రాలేదంటూ
రాద్దాంతం చేయకండి

లక్షల్లో పిల్లలుంటె
వేలల్లవకాశాలు

ఎంతచదివితేముంది
అందని ద్రాక్షనిపండ్లు

వారిలోని ఆసక్తిని
గ్రహించాలి మీరంతా

ఎందులొ నైపుణ్యముంటె
అందులోనే రాణించ

వారిలో ఉత్సాహాన్ని
నింపాలి మీరంతా

చదవలేక... చెప్పలేక
చచ్చిపోయె దానికన్న

బతికి సాదించండని
బాగుగా బతుకండని

మీ పిల్లలకు మీరె
భరోసా ఇవ్వండి

మీ పిల్లల్లోన మీరె
ధైర్యాన్ని నింపండి..‌

భావితరాలను మనం
బతికించుకోవాలి

బంగారు భవితను
వారికందించాలి

మీ
సహస్రకవిరత్న
కవి ప్రవీణ
గోగులపాటి కృష్ణమోహన్
కవి, సీనియర్ జర్నలిస్టు
9700007653

విద్యార్థుల ఆత్మహత్యలు ఆపండి

ఆత్మహత్యలు ఆపండి

గోగులపాటి కృష్ణమోహన్
సూరారంకాలని, హైదరాబాదు

విద్యార్థుల ఆత్మహత్యలపై..

మానసిక వేదనతో 

తల్లడిల్లే పిల్లలారా
చదువుకొరకు చిదపకండి
మీ లేత జీవితం‌..

చదువన్నది ఒక్కటే
జీవితం కాదండీ.
చదువు లేని వారెందరో
బాగుపడ్డ వారున్నరు..

చదువన్నది ఒక్కటే
శాశ్వతం కాదండీ
చదువులేకున్న కూడ
శాశ్వతంగా బతకవచ్చు

చదువు కొరకు ప్రాణాలను
అర్పించే ముందు మీరు
మీ తల్లి తండ్రులను
గుర్తెరిగి మలుచుకోండి

చదువుకున్న వారికంటే
చదువు లేనివారెందరొ
తెలివిని ఉపయోగించి
ప్రయోజకులు అవుతున్నరు

ఇంజనీర్లు డాక్టర్లే
ఇంటింటికీ కావాలా?
ఇతరులు ఎవ్వరు మనకు
అవసరమే లేరా?.

చదువన్నది సంస్కారం
చదువన్నది మేదస్సు
చదువన్నది విజ్ఙానం
కా కూడదది అజ్ఙానం

చావకండి చావకండి
విద్యార్ధిని విద్యార్థులారా
సాధించే దేమిలేదు
సచ్చినాక మీరింకా

బతుకండి బతుకండి
నీవారికోసం... నీ ఊరికోసం
బతకండి బతకండి
బతికి సాదించండి

మీ
సహస్రకవిరత్న
ప్రతిలిపి-కవిప్రవీణ
గోగులపాటి కృష్ణమోహన్
కవి, సీనియర్ జర్నలిస్టు
9700007653

ప్రతిలిపి కవి ప్రవీణ

                                         ప్రతిలిపి కవి ప్రవీణ పురస్కారం అందుకున్న గోగులపాటి కృష్ణమోహన్

ప్రతిలిపి కవి ప్రవీణ పురస్కారం అందుకున్న గోగులపాటి కృష్ణమోహన్
------------------------------------------------------

కవి, సీనియర్ జర్నలిస్టు గోగులపాటి కృష్ణమోహన్ కు ప్రతిలిపి సంస్థ ప్రతిలిపి కవి ప్రవీణ, ప్రతిలిపి కథాభారతి బిరుదులను అందజేశారు

దేశంలోని వివిధ బాషలలో సాహిత్య సేవలందిస్తూ ఎంతో మందికవులకు సోషల్ మీడియా ద్వారా వేదికగా నిలిచిన ప్రతిలిపి సంస్థ తమ సంస్థతో అనుసంధానం అయిన కవులు/రచయుతల పట్టాభిషేకంలో బాగంగా విశేష ప్రతిభ కనబరిచి మరియు తెలుగు సాహిత్యానికి కృషి చేస్తున్నందుకు గాను విజయవాడలోని ఐ ఎమ్ ఏ హాల్లో ఆదివారం నిర్వహించిన కార్యక్రమంలో పలువురు కవులకు పురస్కారాలను అందజేసింది.

ఇందులో బాగంగా 200 లకు పైగా పద్యాలు, కవితలు, కార్డు కతలు అందించిన గోగులపాటి కృష్ణమోహన్ సాహితీ సేవలను గుర్తించి ప్రతిలిపి కవిప్రవీణ, ప్రతిలిపి కథా భారతి అనే బిరులను ప్రధానంచేసింది.

ఇప్పటికే సహస్ర కవిరత్న, సహస్ర కవిమిత్ర బిరుదులు పొందడంతో పాటు రెండు రికార్డు కవిసమ్మేళనాలలో పాల్గొని తన ప్రతిభను చాటుకున్నాడు గోగులపాటి కృష్ణమోహన్.

కార్యక్రమంలో ముఖ్య అతిధిగా, తెలుగు రక్షణ వేదక అద్యక్షులు పొట్లూరి హరికృష్ణ, దూరదర్శన్ వాఖ్యాత విజయదుర్గ, ఆం. ప్ర. మహిళా కమీషన్ సభ్యురాలు డా. రాజ్యలక్ష్మి, ప్రముఖ కవయిత్రి అత్తలూరి విజయలక్ష్మి, కళ్యాణ్ కృష్ణ కరణం, ప్రతిలిపి తెలుగువిభాగం ఇంచార్జ్ జానీ తక్కెడశిల, భువనవిజయం వ్యవస్థాపకులు వంకాయలపాటి చంద్రశేఖర్, చిత్రకారుడు కుంచె లక్ష్మీనారాయణ తదితరులు పాల్గొన్నారు.

సహస్ర సాహితీ కేంద్రం

సాహితీ కేంద్రం - మారేడుపల్లి, సికింద్రాబాద్.

తేది : 24-09-2017

సాహితీ కేంద్రం ప్రారంభం

సికింద్రాబాద్ లో సహస్రకవుల సృష్టికర్త తెలుగుభోజుడు శ్రీ మేకరవీంద్ర  ఆద్వర్యంలో భాగ్యనగర సహస్ర సాహితీ కేంద్రం మారేడుపల్లిలో ఆదివారం ప్రారంభమయ్యింది.

ఈ కార్యక్రమాన్ని సీనియర్ జర్నలిస్టు సహస్ర కవిరత్న గోగులపాటి కృష్ణమోహన్ జ్యోతి ప్రజ్వలనచేసి కార్యక్రమాన్ని ప్రారంభించారు

ఈ సందర్భంగా గోగులపాటి కృష్ణమోహన్ మాట్లాడుతూ మేకరవీంద్ర గారు సహస్ర సాహితీ కేంద్రాల స్థాపిస్తూ భావితరాలకు సాహిత్యవిలువలు నేర్పడం, కవులుగా తీర్చిదిద్దడం అభినందనీయమని అన్నారు.

సాహిత్య సేవా బంధు, తెలుగు భోజుడు మేక రవీంద్ర మాట్లాడుతూ భావితరాలకు కవిత్వాభిలాష పెంపొందించాలనే ఉద్దేశంతో సాహితీ కేంద్రాలు ఏర్పాటు చేస్తున్నట్టు చెప్పారు. వీటిని తెలుగు రాష్ట్రాలలో పలు ప్రాంతాలలో ఏర్పాటు చేయనున్నట్లు తెలిపారు.

ఈ కార్యక్రమంలో  గోగులపాటి కృష్ణ మోహన్, సహస్రకవులు వీరా గుడిపల్లి, పెసర రవీంద్ర రెడ్డి, సంతోష్ శర్మ, హన్మంత్ నాయక్, ఉదయ్, శిఖా గణేష్, మల్లావజ్జుల చంద్రశేకర్ శర్మ,గుళ్ళపల్లి తిరుమల కాంతికృష్ణ  కవయిత్రులు  సిహెచ్ పద్మ, ఈప్సిత తదితరులు పాల్గొని వారికవితలను చదివి వినిపించారు.

రాదారి సోగ్గాడు - అవేరా

రాదారి సోగ్గాడు సోకిల్లా తిరుగుతాడు

రేయిరేడు పగటి వెలుగై వెతుకుతాడు

రామరాజ్యమాఇది రాక్షస బోజ్యమని

కలమెత్తి గళమెత్తి అలసి సొలసి

చేరె రాదారి పక్కలో తేనీటి తోట

అతగాడి ప్రతియడుగు కృష్ణమాయ

మాయగాళ్ళుకు అమాయకుండు

అమాయకుల ఘనజతగాడు

మోహనుడు మోతెక్కించు

మీడియాను మోహనంగ పంచు

తేనీటి సేవనమున సెగలు గక్కు

నీమాయ మాకేమెరుక జ్యోతి వెలుగున వెతుక్కోమా....మాయవిడగా...!

.......అవేరా

(అమరకుల గారి చిత్రానికి అతికించండి)