ప్రపంచ తెలుగు మహాసభలలో సన్మానం దృశ్యమాలికలు

వార్తా పత్రికలలో నా కవితా పఠన వార్త

తేట తెనుగు భాష నా తెలుగుభాష

ప్రపంచ తెలుగుమహాసభల సందర్భంగా
వేదిక ' ఇందిరా ప్రియదర్శిని ఆడిటోరియం
సమయం రాత్రి 7-0 గం‌. ల నుండి జరిగిన సమావేశంలో

నేను పఠించిన కవిత

శీర్షిక :తేటతెనుగు భాష నా తెలుగుభాష

రచన : గోగులపాటి కృష్ణమోహన్
సూరారంకాలని, హైదరాబాదు.

అచ్చమైన భాష.. స్వచ్ఛమైన భాష..
యాబదారు అక్షరాల .. తేనెలొలుకు  భాష ..
తేటతెనుగు భాష నా... తెలుగుభాష...

అచ్చులతో గుణింతాలు..హల్లులతో ఒత్తులు
అందమైన ఛందస్సు... సరసమైన సంధులు గల
వెన్నలాంటి భాష నా... తెలుగుభాష...

భక్తిభావమైన విభక్తులు... సాటిలేని సమాసాలు
అందమైన అలంకారాలు... ప్రకృతీవికృతుల
పరిమళించు భాష నా... తెలుగుభాష...

అసమాన ఉపమానాలు.. 

బాషాకీర్తి పెంచు భాషాభాగాలు
వ్యాకరణాలతో కూడిన నుడికారాలు గలభాష
మధురమైన భాష నా మాతృభాష

అష్టావధానం”, “శతావధానం” 
“సహస్రావధానం” “సమస్యాపూరణం
నా తెలుగు భాషకే మణిహారాలైన

అరుదైన భాష నా... తెలుగుభాష...

స్పష్టత, శ్రావ్యత మాధుర్యం, గాంభీర్యం
మాండలీకాలతో మధురిమలొలకించు
మధురమైనటువంటి మాతృభాష
అమ్మపలుకుల భాష నా తెలుగుభాష..

ప్రాచ్య ఇటలీ పేర ప్రభవించు నా భాష
పలుకు పలుకు లోన తేనెలొలుకు భాష
అన్ని స్వరాలకు అనువైన భాషిది
మధుర మైన భాష నా తెలుగుభాష

తెలుగుబాషలోని తేటతెల్లపదము
వ్యాకరణముతోటి వాసికెక్కి
పద్యసంపదున్న పదునైన బాషరా
తేనెపలకుల భాష నా.. తెలుగుభాష

మరువకండి మీరు మాతృభాషనెపుడు
భావివార్కితెలుపు భాద్యతెరిగి
మధురమైనభాష మన తల్లిభాష
తేటతెనుగుభాష నా... తెలుగుభాష

ఇట్లు
గోగులపాటి కృష్ణమోహన్
కవి, రచయుత, జర్నలిస్టు
చరవాణి సంఖ్య : 9700007653

సాక్షిలో నా కవిత

సాక్షి పత్రికలో తేది 06-12-2027 న వచ్చిన నా "నా తెలుగు భాష" కవిత

నా తెలుగు భాష

నా తెలుగు భాష
గోగులపాటి కృష్ణమోహన్
సూరారంకాలని, హైదరాబాదు.

తేటతెనుగు భాష నాతెలుగు భాష
గొప్పకీర్తి గలది నా మాతృభాష
త్రిలింగ దేశములో వెలుగుచున్న భాష
ఎన్నొ ప్రక్రియల మిళితము నా తెలుగు భాష

అచ్చులు, హల్లులు, ఉభయాక్ష్షరాలు
అందమైనటువంటి ఛందస్సు గలది
వ్యాకరణాలతోకూడుకున్న భాష
తేటతెనుగు భాష నా తెలుగుభాష

పాటలు, పద్యాలు, నాటికలు, సినిమాలు,
కవితలు, గేయాలు జానపదులు..
బుర్రకథ, హరికథ, ఒగ్గుకథలు
తోలుబొమ్మలాట, యక్షగానాలు

సాగరాంధ్ర భాష, రాయలసీమ భాష,
కళింగాంధ్ర భాష, తెలంగాణ భాష
మాండలికాలెన్నో ఉన్న మాతృభాష నాది
మధురమైన భాష నా తెలుగుభాష

ఆవె.
మరువకండి మీరు మాతృభాషనెపుడు
భావివార్కితెలుపు భాధ్యతగొని
మధురమైనభాష మన తల్లిభాసరా
జ్యోతి నవ్య కృష్ణ జూఁడు మఖిల
మీ
గోగులపాటి కృష్ణమోహన్
సీనియర్ జర్నలిస్టు
9700007653

మిడిల్ క్లాసు బతుకు

గోగులపాటి కృష్ణమోహన్
మిడిల్ క్లాస్ బతుకులు

మిడిల్ క్లాసు బతుకొద్దుర మామా
మనకు మిడిల్ క్లాసు బతుకొద్దుర మామా
ఉన్నోనితొ ఉరకలేము
లేనోనిగ బతకలేము.. ||మిడిల్||

కార్పోరేట్ బడులకు
కాసులను పెట్టలేము
ప్రభుత్వ బడులకు
పిల్లలను పంపలేము
చాలీచాలని చదువులు
మాబతుకుకు భాగ్యమాయె ||మిడిల్||

పెద్ద దవాఖానాలకు
పోలేనీ బతుకుమాది
ప్రభుత్వ దవాఖానాలకు
పోదామంటే భయము
రోగమునొప్పొచ్చినపుడు
ఆరెంపిలె గతిమాకు || మిడిల్||

పట్టుచీర కొనలేము
ఉట్టిచీర కట్టలేము
అద్దాలషోరూములు
అవతలినుండే జూస్తూ
క్లాసుగా ఉన్న చీర
మామూలు ధరలకడిగే ||మిడిల్||

డూప్లెక్సు ఆశాయె
పెద్ద కొంప లేదాయె
అపార్ట్మెంట్ వద్దాయె
అద్దె కొంప కరువాయె
స్వంత కొంప కలకోసం
అప్పులపాలవ్వాలె ||మిడిల్||

పెళ్ళీ పేరంటాలకు
ఇరుగుపొరుగు దావతులకు
బంగారునగలు కొనలేము
వెండినగలు పెట్టలేము
పెళ్ళిపేరంటాలకు
నగిషీ నగలే ముద్దు ||మిడిల్||

ఎరోప్లేను ఎక్కలేము
ఏసీలో పోలేము
ప్రైవేటు బస్సుల్లో
ప్రయాణం చేయలేము
ఎర్రవస్సు, కర్రె రైలు
టూవీలరె మాకు దిక్కు ||మిడుల్||

మిడిల్ క్లాసు బతుకొద్దుర మామా
మనకు మిడిల్ క్లాసు బతుకొద్దుర మామా
ఉన్నోనితొ ఉరకలేము
లేనోనిగ బతకలేము.. ||మిడిల్||

మీ
గోగులపాటి కృష్ణమోహన్
సూరారంకాలని, హైదరాబాదు.
9700007653

యాది మరవకు బిడ్డ..

రచన :
సహస్రకవిమిత్ర, కవిరత్న, కవిప్రవీణ.
గోగులపాటి కృష్ణమోహన్
కవి, సీనియర్ జర్నలిస్టుు

శీర్షిక: యాదిమరవకు బిడ్డా

యాది మరవకు బిడ్డ.. యాది మరవకు మమ్ము
ఏదేదొ జేసుకొని ..ఏడిపించకు మమ్ను..

పుట్టలకు మొక్కాము.. గుట్టలను ఎక్కాము
నువ్వుపుట్టాలని .. గుడులెన్నొ దిరిగాము..
ఏ పుణ్య ఫలమో....ఏదైవ బలమో..
మాకడుపులో నువ్వు ... పుట్టావు బిడ్డా...
||యాది మరవకు బిడ్డ||

కాయ కష్టము చేసి... కాని కొలువులు జేసి
కంటికి రెప్పలా .. కాపాడుకున్నాము
అప్పుసప్పులు చేసి. .ఆస్తులమ్నుకోని
ఆడిగినదె తడువుగా..... అన్నియిప్పించాము
||యాది మరవకు బిడ్డ||

పడిగాపులూ పడుతు.. పస్తులే ఉన్నాము
ఏ లోటురాకుండా.. పెంచుకున్నము కొడక
పై సదువులు సదవ.. పట్నమే పంపాము
పెద్దకొలువులతోటి.. పైకి రావాలని
||యాది మరవకు బిడ్డ||

మందులని చిందులని... పబ్బులకు వెళ్ళకు
పేకాట ఆడుటకు.. క్లబ్బులకు వెళ్ళకు
సిగరెట్లు సినిమాలు.. మత్తుపానీయాలు
ఆడపిళ్ళల జోలి.. అస్సలే వెళ్ళకు
||యాది మరవకు బిడ్డ||

రేసు బండ్లు వద్దు.. ర్యాసు డ్రైవింగొద్దు
ఫుట్టుబోర్డు వద్దు.. సీటులోనే ముద్దు
ఇరుగు పొరుగు తోటి... పోట్లాటలే వద్దు
సంఘాల స్ట్రైకుల... జోలికే పోవద్దు
||యాది మరవకు బిడ్డ||

రాజకీయాలొద్దు.. రౌడివేశాలొద్దు
రంకులాడిలతోటి.. రాసుకుతిరుగొద్దు
మాయ మాటల తోటి.. మోసాలు జేసేటి
మాయజాలము లోన.. నీవసలె పడవద్దు
||యాది మరవకు బిడ్డ||

వాట్సప్పు ఫేస్బుక్కు.. ట్విట్టరు, హైకంటు
అంతర్జాలంలో... ఆగమయ్యిపోకు
అండ్రాయిడైఫోన్.. ట్యాబ్ ల్యాప్ టాపంటు
భారి షోకులకెళ్ళి.. భాద్యతలు మరిచేవు
||యాది మరవకు బిడ్డ||

ఎంత చదివిన గాని.. ఏది నేర్చిన గాని
ఇంకిత జ్ఙానము .. కొంతైన నేర్వరా
పెద్దలను గౌరించు.. పిన్నలను ప్రేమించె
మర్యాద మన్ననలు.. నేర్చుకోవాలని
||యాది మరవకు బిడ్డ||

అడ్డంగ తిరగకు... అప్పులే జేయకు
ఆలినీ, తాళినీ... తాకట్టు పెట్టకు
గుర్రపుస్వారీ లు... క్రికెటుబెట్టింగులని
అప్పులా పాలయ్యి ఆగమవ్వకు నువ్వు
||యాది మరవకు బిడ్డ||

చదువుకోలేదని... ర్యాంకురాలేదని
ఇరుగు పొరుగు ముందు.‌ చులకనౌతావని
కన్నోల కలలను... కాలితో తొక్కేసి
కాటికెళ్ళె పనులు... జేయమాకుబిడ్డ
||యాది మరవకు బిడ్డ||

ఉంటేనె తిందాము... లేదంటె పందాము
బతికున్నన్నాళ్ళు... కలిసిమెలిసుందాము
బాగుపడకున్ననూ.. బాధలేదూ బిడ్డ
దైర్యంగ మన బతుకు.. బతుకుదాము బిడ్డ
||యాది మరవకు బిడ్డ||

మీ
గోగులపాటి కృష్ణమోహన్
సూరారంకాలని, హైదరాబాదు
9700007653