Monday, September 25, 2017

సహస్ర సాహితీ కేంద్రం


సాహితీ కేంద్రం - మారేడుపల్లి, సికింద్రాబాద్.
తేది : 24-09-2017

సాహితీ కేంద్రం ప్రారంభం

సికింద్రాబాద్ లో సహస్రకవుల సృష్టికర్త తెలుగుభోజుడు శ్రీ మేకరవీంద్ర  ఆద్వర్యంలో భాగ్యనగర సహస్ర సాహితీ కేంద్రం మారేడుపల్లిలో ఆదివారం ప్రారంభమయ్యింది.

ఈ కార్యక్రమాన్ని సీనియర్ జర్నలిస్టు సహస్ర కవిరత్న గోగులపాటి కృష్ణమోహన్ జ్యోతి ప్రజ్వలనచేసి కార్యక్రమాన్ని ప్రారంభించారు

ఈ సందర్భంగా గోగులపాటి కృష్ణమోహన్ మాట్లాడుతూ మేకరవీంద్ర గారు సహస్ర సాహితీ కేంద్రాల స్థాపిస్తూ భావితరాలకు సాహిత్యవిలువలు నేర్పడం, కవులుగా తీర్చిదిద్దడం అభినందనీయమని అన్నారు.

సాహిత్య సేవా బంధు, తెలుగు భోజుడు మేక రవీంద్ర మాట్లాడుతూ భావితరాలకు కవిత్వాభిలాష పెంపొందించాలనే ఉద్దేశంతో సాహితీ కేంద్రాలు ఏర్పాటు చేస్తున్నట్టు చెప్పారు. వీటిని తెలుగు రాష్ట్రాలలో పలు ప్రాంతాలలో ఏర్పాటు చేయనున్నట్లు తెలిపారు.

ఈ కార్యక్రమంలో  గోగులపాటి కృష్ణ మోహన్, సహస్రకవులు వీరా గుడిపల్లి, పెసర రవీంద్ర రెడ్డి, సంతోష్ శర్మ, హన్మంత్ నాయక్, ఉదయ్, శిఖా గణేష్, మల్లావజ్జుల చంద్రశేకర్ శర్మ,గుళ్ళపల్లి తిరుమల కాంతికృష్ణ  కవయిత్రులు  సిహెచ్ పద్మ, ఈప్సిత తదితరులు పాల్గొని వారికవితలను చదివి వినిపించారు.











Wednesday, September 20, 2017

రాదారి సోగ్గాడు - అవేరా

రాదారి సోగ్గాడు సోకిల్లా తిరుగుతాడు
రేయిరేడు పగటి వెలుగై వెతుకుతాడు
రామరాజ్యమాఇది రాక్షస బోజ్యమని
కలమెత్తి గళమెత్తి అలసి సొలసి
చేరె రాదారి పక్కలో తేనీటి తోట
అతగాడి ప్రతియడుగు కృష్ణమాయ
మాయగాళ్ళుకు అమాయకుండు
అమాయకుల ఘనజతగాడు
మోహనుడు మోతెక్కించు
మీడియాను మోహనంగ పంచు
తేనీటి సేవనమున సెగలు గక్కు
నీమాయ మాకేమెరుక జ్యోతి వెలుగున వెతుక్కోమా....మాయవిడగా...!
.......అవేరా
(అమరకుల గారి చిత్రానికి అతికించండి)

ఆత్మీయ పవనం *,గోగులపాటి*


ఆత్మీయ పవనం *,గోగులపాటి*
మనమధ్యన ఓ అ *సామాన్యు*డై అలరారె ఓ *జీవన సంఘర్షణ మకుటం*

*ఓ సిరాయుధుడు*
*స్థిరాభిప్రాయుండు*
*బ్రాహ్మడైయ్యూ తాను*
*బంధాల గుణ సంపన్ను*
*నేనెరిగిన వినూత్న యాత్రికు*
*సామాజిక కొలతల కొలమాని*
*క్షమాగుణాల ఘనాపాఠి*
*మన కవి గోగులపాటి*

*తెరిచి చదువ దగిన పుస్తకం*
*లోకమెరుగని అంతరంగం*
*జీవన నౌక కతడు ఓ చుక్కాని*

*మనుషుల బంధాల దర్పణం*

ఆ మితృనెరుక పరిచచిన *చిత్తలూరు చిత్తానికి వందనం*


             ₹₹₹₹₹₹₹₹₹₹₹₹
        సహస్ర దృశ్య కవిభూషణ
               Vlr అమరకుల
                1128/1125
               *కృష్ణం వందే*

రెండు రికార్డు కవి సమ్మేళనాలలో పాల్గొన్నసీనియర్ జర్నలిస్టు గోగులపాటి కృష్ణమోహన్

రెండు రికార్డు కవి సమ్మేళనాలలో పాల్గొన్నసీనియర్ జర్నలిస్టు గోగులపాటి కృష్ణమోహన్

తెలంగాణా రాష్ట్రం లో వరుసగా జరిగిన రెండు రికార్డు కవిసమ్మేళనాలలో పాల్గొని తన ప్రతిభను చాటుకున్నాడు సీనియర్ జర్నలిస్టు గోగులపాటి కృష్ణమోహన్.

09-09-2017 శనివారం కాళోజీ జయంతి సందర్భంగా రవీంద్రభారతి లో తెలంగాణా జాగృతి ఆద్వర్యంలో చేపట్టిన కవిసమ్మేళనం గిన్నీస్ బుక్  ఆఫ్ వరల్డ్ రికార్డులో ఎక్కిన సంగతి తెలిసిందే.


ఈ కవిసమ్మేళనం గోగులపాటి కృష్ణమోహన్ జోహార్ జోహార్ కాళోజి సార్, అమరవీరుల సాక్షిగా, కళ్తి కళ్తి కళ్తీ,  జర్నలిస్టు బ్రతుకునౌక అనే స్వీయ రచనలను ఐదునిముషాలపాటు చదివి రికార్డు కవిసమ్మేళనంలో తన ప్రతిభ చాటుకున్నారు.

అదేవిధంగా 10-09-2017 ఆదివారం కరీంనగర్‌లో రైతు హార్వెస్టర్ సంఘం ఆద్వర్యంలో వేయిమంది కవులతో చేపట్టిన కవిసమ్మేళనం బుక్ ఆఫ్ రికార్డ్స్ లో చోటు నమోదు చేసుకుంది.


ఈ కార్యక్రమంలో గోగులపాటి కృష్ణమోహన్ ఆడ జన్మకు గర్వకారణం అమ్మ అనే కవితను చదవడమే కాకుండా హైదరాబాద్, రంగారెడ్డి, మేడ్చల్ జిల్లాకవుల సముదాయంతో కూడిన దాశరథి ప్రాంగణానికి సమన్వయకర్తగా భాద్యతలను నిర్వహించి కార్యక్రమాన్ని సజావుగా నడిపించి నిర్వాహకుల ప్రశంసలు పొందారు.

ఇప్పటికే ఎన్నో కవిసమ్మేళనాలలో పాల్గొన్న గోగులపాటి కృష్ణమోహన్ సహస్ర కవిమిత్ర, సహస్ర కవిరత్న, సహస్ర శతపద్యకంఠీరవ, తెలుగురక్ణణ వేదిక వారిచే జాతీయ స్థాయి బతుకమ్మ పురస్కారం మరెన్నో బిరుదులు పొందారు. 

ఇలా వరుసుగా రెండు రోజుల్లో రెండు రికార్డు కవిసమ్మేళనాలు జరగడం, అందులో తాను పాల్గొనడం ఎంతో ఆనందాన్ని కలిగించిందని గోగులపాటి కృష్ణమోహన్ ఆనందం వ్యక్తం చేశారు.

అతివలంతా చేరి ఆడుదురు బతుకమ్మ

శీర్షిక :
అతివలంతా చేరి ఆడుదురు బతుకమ్మ
రచన : గోగులపాటి కృష్ణమోహన్
సూరారంకాలని, హైదరాబాదు.
అక్కచెల్లి కలిసి... తల్లికూతురు కలిసి
అత్త కోడళ్ళతో... ఆడబిడ్డలతో
ఇరుగుపొరుగు కలిసి... వీధివాడకలిసి
అతివలంతా చేరి ఆడుదురు బతుకమ్మ
తంగేడు పూలను... తెల్లనీ గునుగును...
ముత్యాల పూలనూ.. నేలచామంతినీ...
పల్లెములో పేర్చి... బతుకమ్మను కూర్చి...
అతివలంతా చేరి ఆడుదురు బతుకమ్మ
పట్టుచీరలు కట్టి.. బంగారు నగలేసి
కాళ్ళకూ పట్టీలు.. నిండగాజులు తొడిగి..
నడుముకు నిండుగా వడ్డాలము తొడిగి
అతివలంతా చేరి ఆడుదురు బతుకమ్మ
నాటి రాజుల కథలు... పురాణ గాధలు
దేవుళ్ళ పాటలు... జానపద గీతాలు
పాటకు తగ్గట్టు చప్పట్లు కొట్టుతూ
అతివలంతా చేరి ఆడుదురు బతుకమ్మ
అత్తింటి కష్టాలు.. అమ్మింటి ముచ్చట్లు
చిన్ననాటి చిలిపి చేతలు గుర్తులు
ముచ్చటించుకుంటు.. మురుపమెంతో పడుతు
అతివలంతా చేరి ఆడుదురు బతుకమ్మ
పెత్తరమాసంతో ఎంగిళ్ళ పండుగ
సద్దులతో ముగియు బతుకమ్మ పండుగ
తొమ్మిది సద్దులు.. నైవేద్యమే పెట్టి
అతివలంతా చేరి ఆడుదురు బతుకమ్మ
చెరువు గట్టు కాడ... దేవునీ ముంగిట
వీధి కూడళ్ళలో... ఇంటి వాకిట్లలో
బతుకమ్మను ఆడి... చెరువులో వేయంగ
అతివలంతా చేరి ఆడుదురు బతుకమ్మ
చెరువులో మురికిని... నీటిశుబ్రతకునూ
బతుకమ్మ పూవులు మేలెంతో చేయునూ
పకృతి మేలుకు, సంస్కృతి జాగృతికి
అతివలంతా చేరి ఆడుదురు బతుకమ్మ
మీ
సహస్ర కవిమిత్ర, సహస్ర కవిరత్న
గోగులపాటి కృష్ణమోహన్
కవి, జర్నలిస్టు
9700007654

రాక్షస రజాకార్లు



శీర్షిక : రాక్షస రజాకర్లు
రచన : గోగులపాటి కృష్ణమోహన్
సూరారంకాలని, హైదరాబాదు
మొఘలాయుల పాలనలో
మోసపోయినారు ప్రజలు
ఆంగ్లేయుల పాలనలో
అణిగిమనిగి బతికినారు
నైజాముల రాజ్యంలో
రంకు రజాకర్ల హుకుం
కంటికి కనిపించింది
కళ్ళముందె క్రూరంగా
కసితీరా అనుభవించి
కాటికి పంపారుగా
పిల్లాతల్లని చూడక
కామాందుల ఘఢీలలో
బందీలై పోయారు
తెలంగాణ వనితలు
రజాకార్ల దాడికి
గుబురులే గుడిసెలాయె
చెల్కలే ఊరాయె
ఊర్లేమో ఎడారాయె
పంద్రాగష్టురోజు
దేశానికి స్వాతంత్ర్యం
వచ్చిందని వినడమే
నైజాముల పాలనలో
లేదుమనకు స్వాతంత్ర్యం
ఉక్కు మనిషి వల్లభాయ్
సలాం సలాం నీకు భాయ్
సర్ధార్జీ సాహసంతొ
హైదరాబాద్ దక్కినాది
ముష్కరులను పారద్రోల
లష్కర్లో సిపాయి దింపి
సవాలే విసిరావు
సావే దిక్కన్నావు
నైజామే దిగివచ్చి
నీకు సలాం పెట్టాడు
హైదరబాదు నీకు
హస్తగతం అయ్యింది
సెప్టెంబర్ పదిహేడున
తెలంగాణా దక్కింది
అదే మనకు స్వాతంత్ర్యం
అదే మనకు స్వతంత్రం
తెలంగాణా విమోచనా దినోత్సవ శుభాకాంక్షలతో

మీ
సహస్ర కవిమిత్ర, సహస్ర కవిరత్న
గోగులపాటి కృష్ణమోహన్
కవి, జర్నలిస్టు
9700007653

సహస్ర సాహితీ కేంద్రము - వరంగల్

సహస్ర సాహితీ కేంద్రం - గోపాలపురం, వరంగల్










వరంగల్ పట్టణం గోపాలపురం లో శ్రీమతి మల్లెల విజయలక్ష్మి గారి ఆద్వర్యంలో జరిగిన సహస్ర కవుల సాహితీ కేంద్రం మొదటి సమావేశం ఆదివారం వారి నివాసంలో  జరిగింది.

సాహిత్య సేవా బంధు, తెలుగు భోజుడు శ్రీ మేక రవీంద్ర గారి అద్యక్షతన జరిగిన కార్యక్రమంలో ఆయన మాట్లాడుతూ రేపటితరానికి కవిత్వాభిలాష పెంపొందించాలనే ఉద్దేశంతో సాహితీ కేంద్రాలు ఏర్పాటు చేయదలిచినట్టు చెప్పారు.

ఈ కార్యక్రమంలో సహస్రకవులు అవేరా, వీరా గుడిపల్లి, గోగులపాటి కృష్ణమోహన్, అమరకుల, వరుకోలు కళాచందర్, వడ్త్యా నారాయణ, గుండు మధుసూదన్, దండ్రె రాజమౌళి, బ్రహ్మచారి, అన్వర్, సుధాకర్, చేపూరి శ్రీరాం

కవయిత్రులు రాజా వాసిరెడ్డి మల్లీశ్వరి, అరుణా ఛామర్తి,  పాలబోయిన రమాదేవి, ఉదయశ్రీ, రామా రత్నమాల
తదితరులు పాల్గొని సహస్రకవుల సమూహంతో వారికున్న అనుభవాలను పంచుకొని వారికవితలను చదివి వినిపించారు.

కృషి కవిత కవిసమ్మేళనం

కరీంనగర్ లో కృషికవిత
వేయిమంది కవులతో రికార్డు కవిసమ్మేళనంలో పాల్గొన్న 
గోగులపాటి కృష్ణమోహన్





Thursday, September 14, 2017

జాగృతి కవితాంజలి - గిన్బీస్ రికార్డు

జాగృతి కవితాంజలి
గిన్నీస్ రికార్డు కవిసమ్మేళనం












💐అభినందనలు💐
తేది 09-09-2017, శనివారం రోజున హైదరాబాద్ రవీంద్రభారతి లో తెలంగాణా జాగృతి ఆద్వర్యంలో "జాగృతి కవితాంజలి" పేరున 150 కవులతో ఏర్పాటు చేసిన కవి సమ్మేళనం గిన్నీస్ బుక్ రికార్డ్ లో చోటు దక్కించుకుంది.
ఇంతటి మహత్కార్యంలో నేను ఒక కవిగా పాల్గొని నేను రాసిన నాలుగు కవితలు 1) జోహార్ జోహార్ కాళోజి సారూ, 2) అమరుల సాక్షిగా, 3) జర్నలిస్టు బ్రతుకు నౌక, 4) కళ్తి కళ్తి కళ్తీ అనే కవితలను చదివాను.
ఇట్టి అవకాశాన్ని నాకు కల్పించిన జాగృతి సంస్థకు అభినందనలు తెలియజేస్తున్నాను.

మీ 
సహస్ర కవిమిత్ర, సహస్ర కవిరత్న
గోగులపాటి కృష్ణమోహన్
సూరారంకాలని, హైదరాబాదు.
9700007653

Friday, September 8, 2017

అమరవీరుల సాక్షిగా



జాగృతి కవితాంజలి
రవీంద్ర భారతి, హైదరాబాదు.
తేది: 09-09-2017

శీర్షిక : అమరుల సాక్షిగా
రచన : గోగులపాటి కృష్ణమోహన్
కవి, సీనియర్ జర్నలిస్టు.
సూరారంకాలని, హైదరాబాద్,
9700007653

నా బాస తెలంగాణ....
నా యాస తెలంగాణ....
నా నీళ్ళు.... నా నిధులు....
నా యువకుల కొలువులకై...
పోరాటం చేశారు..
అమరులే అయ్యారు...
ఆ అమరుల సాక్షిగా....
సాధించాం తెలంగాణ ....

ఊరు బాగు కొరకు....
నా వాడ బాగుకొరకు....
కూడుకొరకు... గూడు కొరకు....
కట్టుకోను బట్ట కొరకు...
పోరాటం చేశారు...
అమరులే అయ్యారు
ఆ అమరుల సాక్షిగా...
సాధించాం తెలంగాణ....

పదవులనే ఫణంగా...
పెట్టారు కొందరు...
సకలజనులు స్పందించి... 
సమ్మెనే చేశారు...
యువకులు, విద్యార్ధులంత
పోరాటం చేశారు...
అమరులే అయ్యారు...
ఆ అమరుల సాక్షిగా...
సాధించాం తెలంగాణ....

నిరాహార దీక్షచేసి....
నీరసంగా అయ్యిండ్రు....
తల్లిపిల్ల తేడలేక
రోడ్డు పైన ఎక్కిండ్రు...
ఉద్యోగులు.... మహిళలు...
పోరాటం చేశారు...
అమరులే అయ్యారు
ఆ అమరుల సాక్షిగా...
సాధించాం తెలంగాణ....

మా బతుకులు మారనీకి .....
మా ఉనికి చాటనీకి....
మా గడ్డను ఏలనీకి
మా బిడ్డలు బతకనీకి
చిన్నపెద్ద తేడ లేక
పోరాటం చేశారు...
అమరులే అయ్యారు
ఆ అమరుల సాక్షిగా...
సాధించాం తెలంగాణ....

అమరులార.... అమరులార
మా త్యాగధనులారా....
మీ ఆశయసాధనలో...
మీరు అస్తమించినా....
మీ ఆశయసాధనకై....
మెమునడుం బిగిస్తం
చేయి చేయి కలుపుతాం....
అభివృద్దిని సాధిస్తాం....

జోహార్ జోహార్
తెలంగాణా అమరులారా..
జోహార్.... జోహార్
తెలంగాణా యోధులారా

జోహార్ తెలంగాణా అమరవీరులకు
జోహార్ జోహార్

మీ
సహస్ర కవిమిత్ర, సహస్ర కవిరత్న
గోగులపాటి కృష్ణమోహన్
కవి, సినియర్ జర్నలిస్టు
9700007653

కాళోజి సారు

జోహారు జోహార్లు కాళోజి సారూ
***************************
ఆడ యీడ యంటె యవమాన పరిచిండ్రు
పుంటికూరయంటె పెదవి విరిసిండ్రు
ఆనపకాయంటె అలగజనమన్నారు
తెలగాణ బాషను తేలికగ జూసిండ్రు
నాభాషనుజూసి నలుగురు నవ్విండ్రు
నా యాసను జూసి నారాజు జేసిండ్రు
నా యాస బాసనే నక్షత్రమయ్యింది
నాబాషకూ ఒక్క పండుగేవచ్చింది
తెల్గుబాషయంటె తెలగాణ భాషరా
కాళోజీ పుణ్యమా కదిలింది ప్రభుత
తెలగాణ భాషకు దినమునే ప్రకటించె
కాళోజీ సారుకూ నివాళి యర్పించె
జోహారు జోహార్లు కాళోజి సారూ
అందుకోండి ఈ కవి నీరాజనాలు
🌺🙏🏼🌺
గోగులపాటి కృష్ణమోహన్
కవి, సీనియర్‌ జర్నలిస్టు
సూరారం కాలని, హైదరాబాదు.
9700007653

Thursday, September 7, 2017

అక్షరమే ఆయుధం


అంతర్జాతీయ అక్షరాస్యతా దినోత్సవ శుభాకాంక్షలతో..

శీర్షిక : అక్షరమే ఆయుధం

గోగులపాటి కృష్ణమోహన్
సూరారంకాలని, హైదరాబాదు.
తేది: 08-09-2017

అక్షరమే ఆయుధం
అక్షరమే అభివృద్ది
అక్షరమే పోరాటం
అక్షరమే సర్వస్వం

అక్షరమే రాకుంటే
అక్షర జ్ఙానమే లేకుంటే
జరిగిన/జరిగే నష్టాన్ని
అక్షరాల్లో చెప్పలేం

ఆస్తులు కోల్పోయారు
హక్కులు కోల్పోయారు
బానిసలుగ బతికారు
అప్పుల పాలయ్యారు

అక్షర జ్ఙానం ఉంటే
ఆస్తులతో పనిలేదు
అధికారం నీసొత్తు
పోరాటం నీ హక్కు

అక్షరం ఒక వెలుగు
అక్షరం ఒక జిలుగు
అక్షరం ఒక మలుపు
అక్షరం ఒక గెలుపు

అక్షరమంటే చదవడం, 
అక్షరమంటే వ్రాయడం,
అక్షరమంటే వినడం 
అక్షరమంటే మాట్లాడటం

అక్షరమంటే సృష్టించడం
అక్షరమంటే గుర్తించడం
అక్షరమంటే లెక్కించడం
అక్షరమంటే విజ్ఙానం

అందుకే
అక్షర విలువ తెలుసుకో
అక్షర జ్ఞానం పెంచుకో
అక్షరాలు నేర్వడమే కాదు
నేర్పించడమూ తెలుసుకో

అప్పుడే నిరక్షరాస్యతను
సమూలంగా నిర్మూలించగలం

అంతర్జాతీయ అక్షరాస్యతా దినోత్సవ శుభాకాంక్షలతో...

మీ
సహస్ర కవిమిత్ర, సహస్ర కవిరత్న
గోగులపాటి కృష్ణమోహన్
కవి, జర్నలిస్టు
9700007653


Monday, September 4, 2017

నా ఇల్లు బాగుండాలి

శీర్షిక : నా ఇల్లు బాగుండాలి
రచన : గోగులపాటి కృష్ణమోహన్
సూరారంకాలని, హైదరాబాదు


నా ఇల్లు బాగుండాలి
అవును ...
ప్రతి ఒక్కరూ అనుకునేది ఇదే
నా ఇల్లు బాగుండాలి అని..
అవును మన ఇల్లు బాగుండాలి అనుకోవడంలో తప్పులేదు..
బాగుండాలి కూడా..
మరి బాగుండాలి అంటే ఏం చేయాలి?

మన ఇల్లు బాగుండాలి అంటే
మన ఇంటి సభ్యులు అందరూ బాగుండాలి
మన ఇంటి సభ్యులు బాగుండాలి అంటే
మన ఇరుగుపొరుగు బాగుండాలి
మన ఇరుగుపొరుగు బాగుండాలి అంటే
మన ఊరు వాడ బాగుండాలి
మన ఊరు వాడ బాగుండాలి అంటే
ప్రతి ఒక్క రిలో సభ్యత ఉండాలి
కానీ అదే కరువయ్యింది ఈ సభ్యసమాజంలో..

ఆడమగ తేడాలేదు...
ఇరుగుపొరుగుతో సంబందం లేదు
ఎంగిలి మంగలం లేదు, అంటు ముట్టూ లేదు,
చిన్న పెద్దా లేదు, భయం భక్తి లేదు
వాయివరుసా లేదు, ఇంటా బయటా లేదు

ఎక్కడ పడితే అక్కడ, ఎవరు పడితే వారు
ఏదితోస్తే అది, ఎలాపడితే అలా
ఎవరితోపడితే వారితో, ఏం చేస్తున్నారోకూడా
తెలియని పరిస్థితి.., కాదు కాదు దుస్థితి..

కారణం
భయం భక్తి లేకపోవడం
గౌరవం తెలియకపోవడం
విద్యాబుద్దులు నేర్వకపోవడం
సంస్కృతి సాంప్రదాయాల పట్ల చిన్నచూపు

ఇంకాచెప్పాలంటే
పంతుళ్ళు కొట్టకుండా పాఠాలు నేర్పాలి
చదువురాకున్నా మార్కులేయాలి
అర్హతలేకున్నా పదవులు కావాలి
అన్నటికీ లంచం కావాలి
మంచిచెబితే ఎదురు తిరగాలి

వీటికితోడు
అర్ధం పర్ధం లేని రియాల్టీ షోలు
బూతుసినిమాలు.., అంతం కానీ టీవీ సీరియల్లు
చేతినిండా సెల్లు..సెల్లునిండా కుళ్ళు
ఇంటర్నెట్ మాయలో ఊగుతున్న జనాలు
ఫేసుబుక్కులు.. వాట్సప్పులు
యూట్యూబులు... గూగుల్ సెర్చ్ లు
అడ్డమైన బ్లాగులు... పనికిరాని పోర్న్ లు
చాటింగ్ ల పేరుతో చీటింగులు

ఇన్నిరకాల సభ్యసమాజంలో
మనం బాగుండాలనుకున్నా
ఉండలేని పరిస్థితి... కాదు కాదు దుస్థితి...

అయినా
నా ఇల్లు బాగుండాలి..
నా ఇంటి సభ్యులు బాగుండాలి

మీ
సహస్ర కవిరత్న
గోగులపాటి కృష్ణమోహన్
కవి, జర్నలిస్టు
9700007653

కృష్ణ కందాలు (శతకం)

1)
తనుమనమున నీనామము
అనుదినమునునేను దలతు నయ్యా సాయీ!
కనికరమును జూపుమెపుడు
ఘననవ్యజ్యోతి కాంతి కందము కృష్ణా!
2) కం
సాయేకద మనకురక్ష
సాయేకద సర్వజనుల సకలంబాయే
సాయే తలచిన బ్రోవును
సాయేమరి భక్తజనుల సర్వము కృష్ణా
3)
రమణుని శిశ్యుం డీతడు
కమనీయ పదములతోడ కవితలు రాసెన్
రమణీయమైన గణితము
కమనీయముగా రచించె కవితలు వీరా
4)
వీరా చెప్పడు తప్పులు
వీరా రాసెను కవితలు వీరా శతకం
ఔరా అనిపించెకదర
వీరా తన గణితశాస్త్ర విజ్ఙత తోడన్
5)
రాయాలని ఉంది కవిత
తీయాలని ఉందినాకు తీయని కావ్యం
చేయాలని ఉంది రచన
గాయాలనుమానిపించ గతమును కృష్ణా
Singed on 1-10-16
6)
వీరా బ్లాగులో కవితలు
వీరోచితముగ మనలకు వివరించెకదా
వీరా రాసెను శంభో
వీరేకద గణితమున కవితలను యల్లెన్
7)
తలిచెద నేమణికంఠుని
తలిచెద నేశభరిగిరుని తలిచిన యంతన్
తలిచిన తలపులు తీర్చగ
కలియుగమునతనువెలసెనుకదరా కృష్ణా
8)
అంబటి భానుడి కవితలు
అంబరమును తాకెనుగద అబ్బుర రీతిన్
అందంగా శతకవితలు
అందించెను నేడు మనకు ఆనందించన్
9)
మాలాధారణచేసిన
మాలేకద మాకురక్ష మమురక్షించా
మాలతొ కదరా మనలకు
మాలామృత మహిమ తెలిసె మహిలో కృష్ణా
10)
వేసితి మాలను నేనూ
లేసితి నలుబది దినములు వేకువ జామున్
చేసితి షోడష పూజలు
చూసితి షణ్ముఖునిమాయ చూడగ తరమా!
తేది:  25 జనవరి 2016
11)
శివశవయని పలికినచో
శివుడే  నిలుచును ఎదురుగ సత్యము యిళలో
శివుడే అభయుడు మనలకు
శివనామమె స్మరయించు శుభమౌ  కృష్ణా
12)
అదిగోవచ్చెనుఎన్నిక
ఇదిగిదిగోజనముచేరె ఇరుకున కొట్లో
అదియేకదమన ఓటరు
ముదమున తనవోటునమ్ము మనజుడు కృష్ణా
13)
ఒక్కరెకద వోటేయును
ఒక్కరెగద గెలిచి నీకు చుక్కలు చూపున్
ఒక్కరెకద సీటెక్కగ
లెక్కలు సక్కగ తెలపక వెలుదురు కృష్ణా
14)
నీతే దప్పిన నీకును
రాతే రాసెను కదలక రాయై బ్రహ్మా
రీతిగ బతుకుము ఇకపై
నీతిగ నలుగురిని మెప్పి నిలువుము కృష్ణా
15)
అమ్మే గదరా మనకున్
కమ్మని పలుకుతొ మనమున కొలువై నిలిచెన్
అమ్మేకద మనకఖిలము
అమ్మే దైవము మనకిక యిళలొ కృష్ణా
Singed on 1-10-16
16)
శ్రీ గుడిపల్లి వీరారెడ్డి గారికి జన్మదిన శుభాకాంక్షలతో...
చిరు కంద కానుక...
వీరుడు పుట్టిన రోజిది
వీరా తలచిన తలపులు విజయము గాంచున్
ఆరోగ్యము లందించగ
రారా కాపాడగ నువు రమణుని కృష్ణా
17)
తనయులు పుట్టిన చాలదు
వినయముతోపెరగవలెనువిజయము కొరకై
కన్నందుకుతలిదండ్రి
నినుచూసి పొంగి పొరలగ నిజమిది కృష్ణా
18)
చదువుకొనిన చాలుకదా
కొదవుండదు తెలివితేట కోరగ నీకున్
చదువుమురాశ్రద్దగనువు
చదువే నినుచక్కబెట్టు చదువుము కృష్ణా
19)
ఏమని తెలుపుదు హితులకు
ఈమది తలపున మెదిలిన వలపులు మీకున్
ఆమని పాడిన పాటలు
నామధి రంజింపలేదు నమ్ముము కృష్ణా
20)
ఉదయమ్మున చదువుకొనిన
మదియందున పదిలముగనె మెదులును గదరా
అధికముగా గెలుపొందగ
ఉదయంబున లేచినీవు చదువుము కృష్ణా
తేది : 26-01-2016
21)
గోదావరి తట శిరిడీ
అందే ఉన్నది కలియుగ మందే సాయీ
హృదయాంతరములలోగిలి
బృందావనమే కదమకరందము కృష్ణా
22)
జీవాధారుడు తానే
పావన అనగాయుడుమన పావన సాయీ
బ్రోవగ భక్తుల నెప్పుడు
నీవే సర్వము సఖలము నిక్కము కృష్ణా
23)
శరణాగతవత్సలతను
కరుణను మామీద చూపి కరుణించయ్యా
పరమేశ్వర సుర సాయీ
పరమ దయాళ పరమాత్మ పావన కృష్ణా
24)
అసహాయ సహాయుడతడు
రసమయ కరుణా పరాత్ప రాయుడు సాయీ
అసమాన దయాసాయీ
మసకలు తొలగించి మమ్ము మోయుము కృష్ణా
25)
భక్తావనవందితాయ
భక్తానుగ్రహ మహాయ భందువు సాయీ
భక్తిశక్తిప్రధాయ
భక్తావన ప్రతిజ్ఙాయ భాందవ కృష్ణా
26)
మునిసంఘనివేషితుడవు
అనంతదిత్య సుగుణాయ కరుణా రూపా
కనుమయ్యామణికంఠా
కనికరముతొనీమనమున కావుము కృష్ణా
27)
భుజంగభరణోత్తమాయ
గజాననగ్రజ మహా సుగుణజుడు శాస్త్రా
సుజనుల సులోచనాయా
నిజముగ జగదీశ్వరాయ నీవే కృష్ణా
28)
నిత్యాయనిత్యపూజిత
సత్యాయ సుగుణ ధరాయ సుమనస రూపా
దైత్యమధనాయ భలినే
అత్యాద్భుత ముద్రధారి నీవే కృష్ణా
29)
వీరాయ వీర ధన్వినె
ధీరాయ నిరుగుణరూప ధీరోద్దారీ
తారాసుర సంహారా
మూర్తాయ సకల మహోధ మునిపూజ్యంతా
30)
సతతోత్దితాయ భవాయ
సతతము నిన్నే కొలెచెద సత్యము దేవా
సతులే సిద్దీ బుద్దీ
పతుడవు విఘ్నము తొలపగ పూష్ణే కృష్ణా
27 - 01 - 2016
31)
వసుధారిణ్యైదేవ్యై
వసుధా ఇందిర హరిణ్య విష్ణో పత్న్యై
వసుధా  కృష్ణ ప్రియసతి
రుసరుసలనుమానిమములరక్షణజూపే
32)
సూర్యగ్రహపూజించుము
సూర్యున్నేతలచునీవు సూక్ష్మం గానూ
సూర్యధ్యానమ్ తోడను
సూర్యారిష్టలుతొలగును సత్యము కృష్ణా
33)
మనసున పీడలు కలిగిన
మనమంతాకొలవవలెనుచంద్రుని నిత్యం
మనసే కదమరి ముఖ్యం
మనసున నిత్యం కొలవుము మామను కృష్ణా
34)
రోగము కలిగిన మనలకు
అంగారకుడే కద ఆర్చును కష్టం
రోగారిష్టముతొలచుట
అంగారకునిచెకలగును అంజలి కృష్ణా
35)
బుద్దికి కలగిన పీడను
బుద్దిగ భక్తితొ బుదునికి పూజలు చేయుమ్
బుదుడే కదమరి మనలకు
బుద్దిని కలిగించి తొలచు బాదలు కృష్ణా
36)
పుత్రోత్సాహమె కావలె
పుత్రుల పీడోపశాంతి పోవలెయన్నన్
పుత్రుల ఇష్టుడు గురుడే
పుత్రుల పీడను తొలచును పూజతొ కృష్ణా
37)
పీడలు ఎన్నో ఉన్నను
జాడకు పత్నీ మనలను జోరగ పీడ్చున్
పీడతొలగపూజించుము
పీడో శాంతికి శుకృడి పూజలు కృష్ణా
38)
శనిపూజలుచేయుమురా
శని కలిగించును మన శమనము పీడన్
తృనమున తొలగును పీడలు
శనికి మనము తిలము తోడ శక్తితొ కృష్ణా
39)
శమనాయునిపూజలతో
కమనీయముగా తొలగును కంటికి పీడన్
శమికింకరుడేరాహువు
నమమే నీకు యసురేష నవమేదాత్రే
40)
అనఘారాహోర్దాయా
వనస్థితో జ్ఙాన పీడితాయా కేతుం
మనముతొ కొలచిన కేతున్
ఘనముగ కలుగును జగతిన జ్ఙానము కృష్ణా
28-01-2016
41)
తెలిపితిరిచందమూలాల్
కలిపితిరి గణ పదములను కయ్యము లేకే
తెలిపె మధు విజయగార్లున్
మలిపిరి మము పధ్యరచన మంచిగ కృష్ణా
42)
గోమాతనుపూజించిన
గోమయ, గోమూత్రములతొ గోక్షీరంబున్
గోమాతే పూజ్యంతూ
గోమాతే సర్వసంధిగోవున్ కృష్ణా
43)
శ్రీగోశృంగేవిష్ణూ
శ్రీగోవుధరేపృధఁవిశ్రోణీపిత్రూ
శ్రీగోఖరాగ్రెపన్నగ
శ్రీగోరంగేషుసర్వ శ్రీకృతి కృష్ణా
44)
గురురాఘవేంద్రదేవా
నిరవద్య గురవె భవాయ నిర్గుణ రూపా
నిరసత దోషాయ అనగాయ
ఉరసా శిరసా నమామి గురుగణనాధా
45)
శూరాయ మహా భలాయ
ధీరాయ సుగుణ శుచాయ ధీరోద్ధారా
కారాగృహ మోక్షకాయా
మారుతి రూపా మములను మార్చగ  రావా
46)
తెలుగంటే నాకు భయము
తెలుగంటే వ్యాకరణము తెలుగే కష్టమ్
తెలుగంటే ప్రేమేమరి
తెలుగును నే నేర్చుకుందు తప్పక కృష్ణా
నానార్ధాలతో ప్రయోగము
47)
ఆత్మయనిన గమనము             
ఆత్మయె మరి యాధారము ఆకసము కదా
ఆత్మయనిన నిజము మనసు
ఆత్మయె జీవాత్మ బుద్ది ఉన్నతి కృష్ణా
48)
అమ్మే కద మాతయనిన
అమ్మే కద తల్లి యనిన అమ్మే సర్వం
అమ్మే కద భూమాతా
అమ్మే కద భరతమాత అమ్మే కృష్ణా
49)
తండ్రేకద అయ్య అనిన
తండ్రేకద నాన్నగారు తండ్రే  బాపూ
తండ్రేకద మనకు హితుడు
తండ్రే మరి మార్గదర్శి తండ్రే కృష్ణా
50)
భార్యేకద ఆలి సతీ
భార్యే సహచరి కళత్ర భార్యే పెళ్ళాం
భార్యే మరి ప్రియసఖీ
భార్యామణి ధర్మపత్ని భార్యే కృష్ణా
51)
ప్రేమంటే వాత్సల్యము
ప్రేమే నమ్మిక అనురతి ప్రియతనమేగా
ప్రేమే మక్కువ మచ్చిక
ప్రేమంటేనే మురిపెము ప్రేమము కృష్ణా
52)
ప్రేమేకద అనురాగము
ప్రేమే పాశము నిరతము ప్రణయము నెమ్మీ
ప్రేమే కూరిమి గారము
ప్రేమే అభిమానగోము ప్రేమతొ కృష్ణా
53)
ప్రేమే మరి ఆప్యాయత
ప్రేమే మమకారము మన ప్రేమే ఇంపూ
ప్రేమే కద గారాబము
ప్రేమే మారాము మలిమి ప్రేమతొ కృష్ణా
54)
ప్రేమేలే అభిమానము
ప్రేమే మరి మరులు మమత ప్రేమించంగన్
ప్రేమే లే వ్యామోహము
ప్రేమే లే వలపు మమత ప్రేమే కృష్ణా
55)
అనుబందము ప్రియతత్వము
అనుగునెనరు ఆదటన్న అమరముప్రేమై
అనురక్తి నెయ్యం ప్రేమే
అనురాగము ముచ్చట సుమి అభిమతి కృష్ణా
29-01-2016
56)
ధరణి యనిన భూమేకద
ధరణీ ఖగవతి జగత్తు ధరణము గౌరీ
గిరికర్ణిక ఇల అవనీ
ధరణీ పృధవీ ధరిత్రి ధాత్రీ కృష్ణా
57)
వృక్షో రక్షో రక్షిత
వృక్షములను ప్రేమతొ రక్షించవలే
వృక్షో నాస్తీ శూన్యం
వృక్షములిక లేకున్నను విలయమె కృష్ణా
58)
తినడానికి తనకుండదు
తనపశువులకుతానుమేత తెచ్చుట కష్టమ్
తనకిష్టములేకున్నను
తనపశువులనమ్మబోయె తక్కువ దరకున్
59)
రైతేరక్షోరక్షిత
రైతేకద మనకురక్ణ రైతే సర్వం
రైతే మనకాధారము
రైతును కాపాడవలెను రంజుగ కృష్ణా
60)
సంపద కలిగిన వాడికి
ఇంపుగ తొలగించుయప్పు బ్యాంకులు రీతిన్
సంపాదన లేనోడిని
సంపైనా బ్యాంకుతెచ్చు సుంకము కృష్ణా
61)
మహిళే కదమన మాతా
మహిళే కద అక్క చెల్లి అన్నీ తానే
మహిళే కద ఆంటియనిన
మహిళే మరి అమ్మ బామ్మ మహిలో కృష్ణా
62)
మహిళో రక్షో రక్షిత
మహిలో మహిళే కదమరి మనకున్ రక్షా
మహిళలు లేకుండమనకు
మహిలో మన్నికనెలేదు మరవకు కృష్ణా
63)
పోలీసులెకద రక్షణ
పోలీసులెదిక్కుమొక్కుదీనులకెపుడున్
పోలీసులెలేకున్నను
పాలిట లేదాయె రక్ష ప్రాణికి కృష్ణా
64)
ఊష్ణాంశుడు ఆదిత్యుడు
ఊష్ణకరుడు అహిమాంశుడుధరతి రవియే
ఊష్ణుడు దినకరుడు ఇనుడు
ఊష్ణరశిమి అరుణకిరణు డుష్ణుం డితడే
30-01-2016
65)
గ్రేటర్ ఎన్నిక లొచ్చే
రాటుగ  తిరుగుతు పలువురు మాటలె జెప్పే
దీటుగ ఓటరు ఓటుతొ
ఘాటుగ రుచి చూపెడదరు గెలుపును కృష్ణా
66)
గ్రేటరు ఎన్నిక లోనా
చాటుగ డబ్బులు వరదల చల్లిన గానీ
లేటుగ లేచిన ఓటరు
నీటుగ గెలిపించు తనకు నచ్చిన నేతన్
67)
పోరేమోస్పీడుపెంచె
కారూ సైకిల్ కమలము కదమున హస్తం
హోరుగ పతంగి ఎగరగ
తీరును గమనించుచుండె ఇతరులు కృష్ణా
68)
నగరమున నేడు మ్రోగెను
నగర భవిత తెలియజేయు నాందికి గంటా
నగరము నడిబొడ్డుకొరకు
నగరములో జరుగుచుండె నెన్నిక కృష్ణా
69)
ఎవ్వరు నిలిచెను భరిలో
ఎవ్వరు గెలిచెదరునేడు ఎన్నిక ఝరిలో
ఎవ్వరు ఎవరో తెలియదు
ఎవ్వరు గెలచిన నగరము మెరుగవు కృష్ణా
70)
ఓటే వేయుము ధీటుగ
ఓటే మనహక్కుదిక్కు ఓటే సర్వం
ఓటును డబ్బుకు అమ్మకు
ఓటే నీ భవిత మార్చు చోటౌ కృష్ణా
30-1-2016 (గాంధీ వర్ధంతి సంధర్భంగా)
71)
చేతిలొ కర్రనె బట్టే
శాంతియె తన ఆయుధంగ శంఖము ఊదెన్
ధోతీ వాలా గాంధీ
రాతనె మార్చంగ భరత జాతిన కృష్ణా
72)
పరదేశీపాలనలో
చెరనుండి విముక్తిచేసి చెంతే దీర్చెన్
కరమున కర్రతొ గాందీ
నరనరమున నింపెమనకు నవ్యానందం
73)
గాంధీతాతను చంపెను
భందీగానిలిచె గాఢ్సే భరతమునందున్
మందీ మార్భల ముండిన
గాంధీజీనొదలలేదు గాఢ్సే కృష్ణా
74)
ఏతీరుగనిను పిలుతుము
ఏతీరుగ నినుదలతుము ఏమని బాపూ
చేతులు జోడించి నిన్నే
నీతిగ నిలుతుము నిరతము నీలా కృష్ణా
75)
గాంధీమనజాతికిపిత
గాంధీజీమార్గదర్శి ఘనముగ మనకూ
గాందీజీ కలలుగనిన
గాంధీయిజభారతాన్ని అందిద్దామూ
31-01-2016 (బాల్యం గుర్తులు)
75)
అదిగో బాల్యపు గుర్తులు
ఇదిగో ఎంతగ మరచిన ఇచటనే ఉండున్
కదిలే కాలము తోడను
మదిలో నిత్యము తొలచును మమతలు కృష్ణా
76)
ఆటలతోటేస్నేహము
ఆటల తోటే కలహము అదియెట్లన్నన్
ఆటలలోగెలుపోటమి
కూటమిలను కలుగజేయు కూరిమి తోడన్
77)
పీరుల పండుగ వచ్చిన
ఊరిలొ పీరులు ఎగురును ఊరేగింపున్
పీరుల పండుగ రోజున
జోరుగ ఆలువ తిరుగుతు చోద్యము చూద్దుర్
78)
పండుగ లొచ్చిన సెలవులు
అండగ ఉందురు మితృలు ఆటలు యాడన్
నిండుగ బందువు లొత్తురు
వండిన వంటలు తినెదరు వడివడిగానూ
79)
కూనూరులొ పుట్టిపెరిగి
భోన్గీరులొ చదువుకొంటి భోగము తోడా
బాల్నగరుకు బతకొస్తీ
నేనూరిని మరిచి నాను నేర్పుగ కృష్ణా
80)
పోరాటాలనుజేసీ
తీరాలను దాటుకుంటు తీరిక కోసం
వూరూరా తిరిగొస్తిని
సూరారంలోననుంటి సుఖముగ కృష్ణా
81)
(వీరారెడ్డి గారు "తిట్టుము" అనే ఆంశం పై కవితలు రాయమని అవేరా గారికి చెప్పగా తట్టిన ఆలోచన పద్యరూపంలో)
తిట్టిన తిట్టును తిట్టక
తిట్టన వాడే ఘనుండు ఏదెటులున్నన్
తిట్టుము అని యనగానే
తిట్టెను వీరను అవేర తీపిగ కృష్ణా
82)
(అవేరా ఇచ్చిన "కవ కువ కవి" పదాలతో పద్యరచనా ప్రయత్నము)
కవనము లల్లగ కవులున్
కువనములవలెయగుపించె కవితలు యెల్లన్
కవికవనములేకదరా
కువకువలుగ వినిపించును కవులకు కృష్ణా
83)
(సహస్ర కవయిత్రి అరుణ అలిగెనని అందరు అనుకోగా రాసిన కవిత)
అలుగుట యన్నను యెరుగదు
అలకలు యేల యనుచుండె అరుణే యెపుడున్
అలుగుట యెరుగని అరుణే
అలిగిన నాడా ఫణీంద్రుడలుకలు దీర్చున్
84)
(అవేరా గారు ఇచ్చిన పదాలు " శివ, భవ" నవ లతో పద్యరచన)
శివ శివ యని తలచిననే
భవహరుడేతెంచునుకదభక్తుల బ్రోవన్
శివుడే కద అభయహరుడు
శివుడే నవనాయకుండు శివుడే కృష్ణా
85)
(అవేరా గారిచ్చిన వినండి, కనండి, మనండి, కొనండి పదాలతో పద్యరచనా ప్రయత్నము)
మంచిని వినండి తప్పక
కంచిని మరువక కనండి కనులారంగా
పంచమనండి ఫలమును
కొంచెము భక్తిని కొనండి కోరిక తోడన్
తేది: 01-02-2016
86)
గోడలు కూల్చుము కులముల
గోడలు కూల్చుము మతముల గొడవలు వలదూ
గోడలె మన ఎదుగుదలకు
గోడై నిలుచుందికదర గొడవకు కృష్ణా
88)
ఆలూ మగలూ ఇద్దరు
పాలూ నీళ్ళూ విధముగ బాగుండాలీ
ఆలే కద అన్నింకను
తాలికొరకెతానుపడును తాపత్రయమూ
89)
(శ్రీ గుండు మధుసూధన్ గారి సమస్యా పూరణాలకు స్పందించి రాసిన పద్యము)
అక్షరములతోటేతను
లక్షణముగ యాడుకొనును లఘుగురువంటూ
భక్ష్యములేమధుసారుకు
తత్ష్కణమేపద్యమల్లుధన్యుడు కృష్ణా
90) (కందములో వచ్చే గణాల గురించి సూక్ష్మ వివరణ)
భగణములోయాదిగురువు
జగణములో మద్యగురువు జగమున కందం
సగణములోఅంత్యగురువు
గగగురువులు నలలఘువులు ఘణముగ కృష్ణా
91) ( గగ నలములతో ప్రకృతి అందాలను కందంలో బందించే ప్రయత్నము)
తలతల మెరెసెను మెరపులు
ఫలఫల ఉరిమెను ఉరుములు భయములు  కాగా
జలజల కురిసెను చినుకులు
కొలనులొ విరెసెను  కమలము కొలదిగ  కృష్ణా
92)
అరాశ గారిచ్చిన కాపాడు కోరాడు తాగాడు పోతాడు పదాలతో పద్యరచన ప్రయత్నం
కోమలి ఆడుము కృష్ణా
గోముగ అలరాడుమాతొ గోపిక లోలా
ప్రేమగచిరుగాడుపులతొ
ప్రేమగ తాగాడు నాడు పూతన పాలు
93)
(కవి మితృలు అంజయ్య గౌడ్ గారు శతకవితలు పూర్తి చేసిన సందర్భంగా పద్య కానుక)
అంజన్న వ్రాసె శతకము
మంజీర నినాదముల వలె మధురము గాగన్
రంజుగ వ్రాసెను పద్యము
అంజన్నా అందుకొనుము అంజలు లివిగో
02-02-2016
94)
ప్రేమంటెకాదు ప్రేయసి
ప్రేమే మాతాపితరులు ప్రేమయె సర్వం
ప్రేమే ప్రేయసి కాదుర
ప్రేమించేవారికొరకు ప్రేమను పంచుమ్
95)
రంగందముండియేమీ
యింగితముతొయుండవలెను యెల్లర జనులున్
సంఘము లోరంగుకన్న
యింగిత మున్నోలకేను యిలువలు కృష్ణా
96)
ఈర్షా ద్వేషాలువలదు
హర్ష్యావ్యతిరేకములును అసలే వద్దూ
ఈర్షా ద్వేషాలె కదర
హర్షము లేకుండజేసు అవనిలొ కృష్ణా
97)
సుఖమే కద సంతోషము
సుఖమే లేకుంటెమనిషి సూక్ష్మంగానూ
సుఖమే సద సంతోషము
సుఖమున్నది సేవలోన సుందర కృష్ణా
98)
తలచకు కీడును మదిలో
తలచిన కలుగును మనలకు తగువులు  యెన్నో
కలవకు కీచక మిత్రుని
వలదుర నీచపలవాట్లు వసుధలొ కృష్ణా
99)
చదువే కదరా భవితా
చదివే కదమనకురక్ష చదివిన యంతన్
చదువే మరి సర్వస్వము
చదువే మరి చదువవలెను చదువుము కృష్ణా
100)
కందములేవందాయెను
అందముగాకవనములనుఅందించితిగా
చంధో రీతిగ నడపగ
ఎందరొ కలరే గురువులు వందన మిదియే
సమస్య  ఆ.వె
లింగని గని తాను లేచిపోయె
101)
మనసెరిగిన మగనికొరకు
అనువనువునవెదికెమామ అల్లుని కోసం
కనిపెట్టినభామదిగని
తనలింగని గని తనులేచిపోయె
102)
తెల్లనికురులనుచూడుము
ఎల్లరకునువచ్చుచుండె ఏమని తెలుపన్
నల్లగ మారుట కెన్నియొ
కొల్లలుగావచ్చెనేడు కలరులు కృష్ణా
103)
అల్లమనినతెలుసునుకద
బెల్లమువలె పుల్లగుండు భలెబాగుండున్
పుల్లటి బెల్లమె అల్లము
సల్లగ తేనీరువలెనె సేవించవలెన్
104)
తప్పుడు పనులను చేయగ
తిప్పలు దప్పవు ఎవరికి తెప్పలు గొచ్చున్
తప్పులు జేయుట కంటెను
ఒప్పుగ బతుకుట నయముగ ఓరిమి తోడన్
105)
చక్కని తనక్క లక్ష్మిని
నక్కగ తప్పించుకొంటు చిత్రము చూపెన్
చిక్కిన తనభావేతన
అక్కను ప్రేమించి పెండ్లియాడె ముదమునన్.
106
ఉండ్రాళ్ళ చవితి రోజున
గుండ్రని చంద్రుడు మనిషికి గుబులును రేపున్
తండ్రీకొడుకులు గాంచిన
గాండ్రించుకుందురు యిరువురు గర్షణతోడన్

107)
నాన్నే కద నాకురక్ష
నాన్నే కదనాకుదిక్కు నాన్నే దైవమ్
నాన్నే మరిమార్గదర్శి
నాన్నే సర్వము సఖలము నాన్నే ప్రేమమ