అవసరం...

గోగులపాటి కృష్ణమోహన్

శీర్షిక: అవసరం...

అవసరం...
మనిషిని దిగదారుస్తుంది.
అవసరం...
వసుదేవున్నే గాడదికాళ్ళు పట్టించింది.
అవసరం...
ఆస్తులు అమ్మిస్తుంది.
అవసరం...
మనిషిని ఎక్కడికో నడిపిస్తుంది.
అవసరం...
మనిషిని చేయరాని పనులు చేయిస్తుంది.
అవసరం...
అడ్డదారులు తొక్కిస్తుంది.
అవసరం...
నిజాయతీ పరున్ని అబద్దాలు ఆడిస్తుంది.
అవసరం...
అడ్డమైన చాకిరీ చేయిస్తుంది.
అవసరం...
ఎవరెన్ని మాటలన్నా పడమంటుంది.
అవసరం...
నేరాలు చేయిస్తుంది.
అవసరం...
అమాయకుణ్ణి హంతకుడిగా మారుస్తుంది.
అవసరం...
అభిమానాన్ని చంపేస్తుంది.
అవసరం...
అన్యాయాన్ని ఎదిరిస్తుంది.
అవసరం...
అందలం ఎక్కిస్తుంది.
అవసరం...
మనిషిని అప్పుల పాలుజేస్తుంది.
అవసరం...
మనిషికి ప్రాణాంతకమై కూర్చుంటుంది.
అవసరం...
తనవారిని దూరం చేస్తుంది.
అవసరం...
అవతలివాడి అవసరాలను తీరుస్తుంది.


మీ
సహస్రకవిమిత్ర
గోగులపాటి కృష్ణమోహన్
సీనియర్‌ జర్నలిస్టు.
సూరారం కాలని, హైదరాబాదు.
9700007653

నా నానోలు... నా ఇష్టం..... గోగులపాటి కృష్ణమోహన్

నానోలు

నా
నానోలు
నా
యిష్టం.... గోగులపాటి కృష్ణమోహన్

1)
విఘ్నాలు
తొలగించ
విఘ్నేషుని
పూజించు

2)
మాతృమూర్తి
మాతృభూమి
మాతృభాష
చాలాగొప్పవి

3)
చెబితే
విననివాడు
చెడిపోక
మానడు

4)
వైఫ్
లేకున్నా...
వైఫై
ఉంటేచాలు

5)
తినకముందు
ఫలం
తిన్నాక
మలం

6)
వ్యక్తుల
కన్నా
వస్తువులే
మిన్ననేడు

7)
పదవున్నప్పుడే
పదివెనుకేసుకో
పదవిపోయాక
పనుండదునీతో

8)
ఇళ్ళుకట్టిచూడు
పెళ్ళిజేసిచూడు
జూదమాడిచూడు
అప్పుచేయకుండ

9)
సముద్రమైనా
ఈదవచ్చట
సంసారం
కష్టమట

10)
నవ్వు
యోగమట
నవ్వకపోవడం
రోగమట

11)
బార్యను
ఒప్పించైనా
అమ్మను
ప్రేమించు

12)
ధనము
కన్నా
తెలివి
మిన్న

13)
ఎవరినీ
అతిగా
నమ్మి
మోసపోకు

14)
ప్రేమించు
జయించు
విజయం
సాధించు

15)
ఇళ్ళు
ఇల్లాలు
ఇతరులతో
పోల్చొద్దు

16)
సుఖం
సంతోషం
ఒకటి
కాదు

17)
సుఖం
శారీరకం
సంతోషం
మానసికం

18)
కష్టపడగా
వచ్చింది
కడదాకా
ఉంటుంది

19)
ఇష్టమైన
పని
కష్ట
మవ్వదు

20)
మద్యం
సేవించి
వాహనం
నడపకు

21)
శృంగారం
గదిలో
అనురాగం
ఎదలో

22)
ప్రేమకు
హద్దు
పెళ్లి
ముద్దు

23)
కోపాలు
వద్దు
ప్రేమలే
ముద్దు

24)
సరిహద్దున
శబ్ధం
సైనికునికి
అలారం

25)
ప్రేమలూ
ఆప్యాయతలూ
అనురాగాలే
కుటుంబం

26)
గతం
వర్తమానం
భవిష్యత్తు
జీవితం

27)
వేషం
నటన
వాస్తవం
జీవితం

28)
అప్పు
ఇవ్వకు
అరువు
అడుగకు

29)
నుదుట
సింధూరం
స్త్రీకి
సింగారం

30)
చేనుకు
చెదలు
రైతుకు
దిగులు

అయ్యప్ప భక్తులకు
31)
మాల
ధారణ
మహిమ
అధ్భుతం

32)
మండల
దీక్ష
స్వామి
నియమం

33)
ఏక
భుక్తం
ఒంటికి
మంచిది

34)
పాద
రక్షలు
లేకే
పయనం

35)
భూతల
శయనం
శీతల
స్నానం

36)
మద్యం
మగువ
మాంసం
దూరం

37)
అందరి
లోను
స్వామి
దర్శనం

38)
మహిళలు
అంతా
మాతృ
సమానం

39)
పంపా
స్నానం
పరమ
పవిత్రం

40)
ఇరుముడి
అర్పణ
దీక్ష
విరమణ

బతుకమ్మ పురస్కారం

జాతీయ తెలుగు కవుల సమ్మేళనం లో పాల్గొన్న సీనియర్ జర్నలిస్టు గోగులపాటి కృష్ణమోహన్ కు బతుకమ్మ పురస్కారం

 "సహస్రకవిమిత్ర" గోగులపాటి కృష్ణమోహన్ తెలుగు రక్షణ వేదిక ఆధ్వర్యంలో  నిర్వహించిన "జాతీయ తెలుగు కవుల సమ్మేళనం" లో పాల్గొని బతుకమ్మ పండుగ ప్రాశస్త్యం తెలిపే కవిత చదివి బతుకమ్మ కవితోత్సవం మరియు పురస్కారాన్ని అందుకున్నారు.

అక్టోబర్ 23, 2016 ఆదివారం నాడు కరీంనగర్ పట్టణంలోని ప్రెస్ భవన్ లో
తెలుగు రక్షణ వేదిక ఆధ్వర్యంలో  "జాతీయ తెలుగు కవుల సమ్మేళనం" జరిగింది.

తెలంగాణ రాష్ట్రం ఏర్పడ్డాక తొలిసారిగా జరిగిన ఈ జాతీయ తెలుగు కవి సమ్మేళనంలో దేశం నలుమూలల నుండి నవ,యువ,మహా కవులు రచయితలు పెద్దసంఖ్యలో పాల్గొని  బతుకమ్మ పండుగ విశిష్టతను తెలిపేలా, మన  సంస్కృతి సంప్రదాయాల గురించి మరియు తెలుగు భాష, యాస, వ్యవహారికాలకు సంబంధించిన కవితలు, గేయాలు, జానపదాలు తదితర రచనలను కవులు తమ కవనాల ద్వారా తెలియజేశారు.

ఈ సంధర్భంగా పాల్గొన్న కవులందరిని నిర్వాహకులు శాలువాలతో సన్మానించి, ప్రశంసా పత్రాలను అందజేశారు.

ఈ సందర్బంగా కృష్ణమోహన్ మాట్లాడుతూ సమాజంలో అన్ని అంశాలపై స్పందించే వారు కవులని, నేటి తరం కూడా సాహిత్యం పై మక్కువ పెంచుకోవాల్సిన ఆవశ్యకత ఎంతైనా ఉందని అన్నారు.

ఈ కార్యక్రమంలో తెలుగు రక్షణ వేదిక జాతీయ అధ్యక్షులు పొట్లూరి హరికృష్ణ,    తెలుగు రక్షణ వేదిక తెలంగాణ రాష్ట్ర అధ్యక్షులు బొడ్డు మహేందర్,  పలువురు కవులు పాల్గొన్నారు.